ڕۆژا پێنجشەمبی ڕێـککــەفتی (٢٠٢٥/٢/٢٠) ب ئارمانجا پێشڤەبرنا شیانێن ستافێ ئەکادیمی د بیاڤێن ڕێڤەبرن و دیزاینکرنا مالپەرێن ئەلیکترونی، زانکۆیا زاخۆ ب هەماهەنگی لگەل زانکۆیا (قادسیە)  پرۆگرامەکێ تایبەت بۆ ڕاهێنانێن ڕێڤەبرن و دیزاینکرنا مالپەران پێشکێشکرن.
پڕۆگرام پێکدهات ژ دانەنیاسین و گرنگیا مالپەرێن ئەلیکترونی و ڕۆلێ وان د پێشڤەبرنا ئەوان خزمەتگوزاریێن دەزگەهـ پێشکێش دکەن، ژبەرکو مالپەر پرەکە دناڤبەرا ستافێ ئەکادیمی یێن ناڤخۆیی و کەسێن مفادار ژ وەلاتێن جودا جودا ل سەر ئاستێ جیهانێ و دیارکرنا وان نویترین تەکنۆلۆژیایێن سەردەم یێن ل دەمێ دیزانکرن و ڕێڤەبرنا مالپەران دڤێت بەرچاڤ بهێنە وەرگرتن.
هەروەسا ب تایبەتی بەحس ل ڕۆلێ مالپەرێن زانکۆیان هاتە کرن د پشتەڤانیکرن و گەهشتن و پێشڤەبرنا ئارمانجان ب بەردەوامی.
هەژیە بێژین؛ پرۆگرام ژلایێ بەڕێزین ناڤێن وان ل خارێ دیارکری هاتە پێشکێشکرن:
١- م. هالة عباس مهدي (زانکۆیا قادیسە)
٢- م. محمد هيثم (زانکۆیا زاخۆ)
٣- م. احمد سعيد (زانکۆیا زاخۆ)